Gjatë viteve 2015–2016, realizova dizajnin grafik dhe faqosjen editoriale të EagleMag, revistës zyrtare dygjuhëshe (Shqip–Anglisht) të Albtelecom, një prej kompanive kryesore të telekomunikacionit në Shqipëri.

EagleMag u konceptua si një botim periodik me standarde editoriale, që kombinonte komunikimin korporativ me artikuj mbi teknologjinë, biznesin, inovacionin, kulturën, turizmin, modën, stilin e jetës dhe intervista me personalitete nga fusha të ndryshme. Çdo numër synonte të ofronte një eksperiencë vizuale dhe editoriale moderne, duke ruajtur identitetin e markës Albtelecom.

Në këtë projekt kam qenë përgjegjës për:

• Konceptimin dhe dizajnin grafik të revistës
• Faqosjen editoriale të të gjithë numrit
• Organizimin e përmbajtjes dygjuhëshe (Shqip–Anglisht)
• Krijimin e hierarkisë tipografike dhe strukturës vizuale
• Përpunimin dhe integrimin e fotografive dhe elementeve grafike
• Përgatitjen profesionale të materialeve për shtyp dhe kontrollin e parapërgatitjes

Projektimi i një reviste dygjuhëshe kërkonte vëmendje të veçantë ndaj balancës vizuale, lexueshmërisë dhe harmonizimit të dy gjuhëve në çdo faqe, duke garantuar një identitet të qëndrueshëm dhe një përvojë të këndshme leximi.

Ky projekt përfaqëson eksperiencën time në Editorial Design, Magazine Layout, Typography dhe Print Production, duke demonstruar aftësinë për të krijuar botime periodike me standarde profesionale dhe cilësi të lartë.

Shfleto Revistën online